កាលពីយប់ថ្ងៃទី៧ ខែសីហា ឆ្នាំ២០២២កន្លងទៅនេះ បេក្ខជន ក្នុងកម្មវិធីCambodian Idolរដូវកាលទី៤ ថុល សុភិទិ បានលើកយកចម្រៀងបរទេសមកបទ មកច្រៀងបែបRock តាមតម្រូវការរបស់កម្មវិធី នៅក្នុងវគ្គLive Showសប្ដាហ៍ទី៤។
ភិទិ បានលើកយកបទជាភាសាអង់គ្លេស មានចំណងជើងថា «ENTER SANDMAN » មកធ្វើការបកស្រាយបានយ៉ាងល្អ ដោយនៅពេលនោះ លោក បានសាងភាពភ្ញាក់ផ្អើលសម្រាប់អ្នកទស្សនា និងគណៈកម្មការខ្លាំងណាស់ ដោយសារតែការច្រៀងបទបែបRockស្រែកដាច់បំពង់,កចោល។
ក្រោយបកស្រាយចប់ គណៈកម្មការទាំង៤នាក់ សុទ្ធតែសរសើរកប់ៗមាត់ចំពោះសមត្ថភាពដ៏ខ្លាំងរបស់ភិទិ ក្នុងនោះ លោក ណុប បាយ៉ារិទ្ធ លើកឡើងថា គ្រប់បទចម្រៀងទាំងអស់ មានប្រភេទ មានក្បួនខ្នាតរបស់គេ ត្រឹមត្រូវ ខុសៗគ្នា។ អញ្ចឹង ពេលខ្លះ មិនមែនកើតចេញពីយើងអត់ស្គាល់ យើងអត់ធ្លាប់ស្ដាប់ ហើយយើងគិតថា វាមិនពីរោះ វាចម្លែក វាដូចគោ ស្រែកដូចចា,,ក់កជ្រូក អញ្ចឹងទៅ នោះទេ។
មិនខុសពីលោក ណុប បាយ៉ារិទ្ធ បានលើកឡើងនោះទេ ក្រោយពីចម្រៀងមួយបទនេះ ត្រូវបានបង្ហោះពេញបណ្ដាញសង្គមមក អ្នកគាំទ្រ ហើយចេះស្ដាប់ចម្រៀងប្រភេទនេះនោះ បាននាំគ្នាស្ញើចសរសើរចំពោះសមត្ថភាពអាយដលរបស់ពួកគេ។ ដោយឡែកអ្នកមិនចេះស្ដាប់វិញ នាំគ្នារិះ,,,គន់ព្រោងព្រាតថា ច្រៀងមិនកើត ដូចគោរោទ៍ ស្ដាប់មិនបាន។
ងាកមក បេក្ខជន ថុល សុភិទិ នៅថ្ងៃទី៩ ខែសីហា ឆ្នាំ២០២២នេះ បានបង្ហោះសារ បង្ហាញដួងចិត្តរបស់ខ្លួន និងក្ដីសង្ឃឹមថា «ចង្វាក់ Rock ជាប្រភេទ បទ ចម្រៀងមួយ ដែលខ្ញុំចូលចិត្ត បន្ទាប់ពី បទ លួងលោម ប្រភេទបទនេះអាចធ្វើអោយគ្រប់គ្នាសប្បាយ ហើយទទួលបានអារម្មណ៍ ប្លែក មួយផ្សេងទៀត សង្ឃឹមថា អ្នកទាំងអស់គ្នា ស្វែងយល់ពីវាបានច្រើន ហើយចូលចិត្តវា»៕
