រឿងរ៉ាវរបស់លោក ជឿន ប៊ុនចក់ ហៅអេដមីន ជីងចក់ និងអ្នកនាង ផល្លា បានឈានដល់ការប្ដឹ,,ងផ្ដល់គ្នាកក្រើកអស់បណ្ដាញសង្គម ដោយអ្នកគាំទ្រភាគច្រើន គិតថា ពួកគេ នឹងមិនអាចធ្វើការផ្សះផ្សាគ្នាវិញ ដូចមុននោះឡើយ។
ការគិតបែបនេះ ដោយសារតែអេដមីន ជីងចក់ ខ្លួនឯងក៏ប្រកាសជំហរដាច់ខាតមិនយកវិញនោះឡើយ ថែមទាំងប្រើសម្ដីធ្ងន់ៗជាច្រើនលើអតីតភរិយារូបនេះ ខណៈអ្នកនាង ផល្លា វិញ ក៏មិនអន់នោះដែរ បានតតាំងពូចក់វិញឥតសំចៃ។
ស្របពេលរឿងរ៉ាវខាងលើ ហាក់ស្ងប់ស្ងាត់ពីបណ្ដាញសង្គមទៅហើយនោះ ស្រាប់តែថ្មីៗនេះ មានការបែកធ្លាយថា ពួកគេទាំង២នាក់នេះ បានត្រូវគ្នាវិញ ធ្វើឲ្យអ្នកតាមដានស្រឡាំងកាំង ស្ដាយចិត្តខំអាណិត ខំគាំទ្រ ខំចំណាយពេលតាមដាន កន្លងមក។
ទោះយ៉ាងណា អេដមីន ជីងចក់ បានបដិសេធតាមរយៈសារបែកធ្លាយថា ខ្លួនមិនបានត្រូវគ្នាវិញនោះទេ គណនីហ្វេសប៊ុករបស់ខ្លួនត្រូវបានគេហេក មិនទាន់យកមកវិញបាននៅឡើយ។ ផ្ទុយពីការអះអាងនេះ អ្នកនាង ផល្លា បានទទួលស្គាល់ថា ពួកគេត្រូវគ្នាវិញ ហើយថែមទាំងព្រមានទម្លាយវីដេអូ ដែលពូចក់មកផ្ទះរបស់ខ្លួនសុំត្រូវគ្នាទៀតផង។
បន្ថែមលើនេះ ដើម្បីឲ្យកាន់តែច្បាស់ថែមទៀតនោះ នៅយប់ថ្ងៃទី៩ ខែសីហា អ្នកនាង ផល្លា បានបង្ហោះរូបថត បង្ហាញភាពផ្អែមល្ហែមជាមួយអេដមីន ជីងចក់ ហើយនិយាយថា រកឃើញមិត្តភក្ដិមួយរូប ដែលមានមុខមាត់ដូចប្ដីរបស់ខ្លួនថែមទៀតផង ធ្វើឲ្យអ្នកគាំទ្រកាន់តែច្បាស់១០០ភាគរយថា ពួកគេត្រូវគ្នាមែន។
បង្ហោះភ្ជាប់ជាមួយរូបថត សើចដាក់គ្នាបង្ហាញភាពផ្អែមល្ហែម អ្នកនាង ផល្លា បានភ្ជាប់ជាមួយCaptionថា «ខ្ញុំចេះរកបានមិត្តភកិមួយ មុខដូចប្ដី ចក់ គេស្មានថាប្ដី កាពិតមិត្តខ្ញុំទេ»។ តាមរយៈនេះ មានមតិភាគតិច ដែលគាំទ្រ ខណៈមតិជាច្រើន បានចូលទៅប្រើសម្ដីធ្ងន់ៗលើពួកគេ ពិសេសលើអេដមីន ជីងចក់តែម្ដង៕
