លោក អ្នកបានជ្រាបរួចមកហើយថា នៅមុនពេលសម្រាលប៉ុន្មានសប្ដាហ៍នោះ ដេននី ក្វាន់ និងអ្នកនាង ចោម ច័ន្ទ បាននាំស្វាមីរបស់ខ្លួន ទៅក្រាបសំពេះឪពុកម្ដាយរបស់ពួកគេ នៅឯស្រុកកំណើត។
មិនយូរប៉ុន្មាន ក៏ទទួលដំណឹងថា ចោម ច័ន្ទ ក៏មានកូនជាមួយប្ដីអារ៉ាប់របស់ខ្លួនផងដែរ ខណៈដេននី ក្វាន់ បានសម្រាលកូនប្រកបដោយសុវត្ថិភាព កាលពីថ្ងៃទី៩ ខែសីហា ឆ្នាំ២០២២កន្លងទៅនេះ។ មុនពេលសម្រាល ចោម ច័ន្ទ បាននាំប្ដីអារ៉ាប់របស់ខ្លួនទៅកំដរ ដេននី ក្វាន់ជាប្អូនស្រី ហើយពេលសម្រាលរួច ឃើញក្មួយស្រីមុខដូចខ្លួននោះ ស្រាប់តែនាងដាក់ឈ្មោះឲ្យម៉ាអែមតែម្ដង។
បង្ហោះភ្ជាប់ជាមួយរូបថតជាច្រើនសន្លឹកពេលកូនដេននី ក្វាន់ ឃើញពន្លឺថ្ងៃភ្លាមៗនោះ ចោម ច័ន្ទ បានបង្ហោះសារ ស្វាគមន៍ ដោយហៅក្មួយរបស់ខ្លួនថា «ស្វាគមន៍មីង៉ោល មុខកាត់ទៅនរណា? ទ្បាំយ៉ៃយ៉ុងចិត្ត ខំចង់ងាប់មុខកាត់មកអ៊ំ»។ ងាកមក ដេននី ក្វាន់ ក៏បានបង្ហោះសារបញ្ជាក់ដែរថា «ថ្ងៃនេះ ម៉ាក់អ៊ំ ឡាំយ៉ង មកលេងអូន»។
តាមរយៈនេះ អ្នកគាំទ្ររបស់ពួកគេ ក៏យល់ឃើញថា មុខកូនដេននី ក្វាន់ ដូចទៅនឹងចោម ច័ន្ទ ហៅឡាំយ៉ងនោះផងដែរ។ ជាក់ស្ដែង ពួកគេ បានលើកឡើងស្រដៀងៗគ្នាថា «មុខដូចឡាំយ៉ងណាស់, មាត់ និងអណ្ដាតដូចចែឡាំយ៉ងណាស់, មុខដូចឡាំយ៉ងមិនទាន់កែមុខ តែយ៉ាណាក៏អូន cute ជាង, កូនឡាំយ៉ងឬកូនបងឡាំយ៉ៃ»៕
