តាំងពីនាងចឺម សាងស្នេហាជាមួយអ្នកមេម៉ាយកូនមួយ ស្រស់ស្អាត សេង សុខឃីម មក អ្នកគាំទ្រ បានយល់ឃើញថា នេះជាស្នេហាច្បាស់លាស់របស់ចឺមហើយមើលទៅ ដោយសារតែពួកគេ បានទិញផ្ទះរួមគ្នា និងបង្ហាញភាពផ្អែមល្ហែមឥតដាច់នៅលើបណ្ដាញសង្គម។
ទោះយ៉ាងណា មួយរយៈមុននេះ ពួកគេបានបង្ហាញតម្រុយបែកបាក់គ្នា។ តែក្រោយមកក៏ឃើញត្រូវរ៉ូវគ្នាវិញ បានរយៈពេលរាងយូរគួរសមដែរ ស្រាប់តែពេលនេះ លេចឮដំណឹងជាថ្មីថា ស្នេហារបស់ពួកគេឈានដល់ផ្លូវបំបែកជាថ្មីម្ដងទៀត។
ជាក់ស្ដែង អ្នកនាង សេង សុខឃីម បានបង្ហោះសារកាលពីពេលថ្មីៗនេះ បង្ហាញពីតម្រុយបែកបាក់ស្នេហ៍ថា «”អ្នកសូប្រាយតែរឿងខូចចិត្ត អ្នកកុហកឡើងធ្លាប់ ជាទម្លាប់ខ្ញុំតែងចាប់បាន” ចប់គ្នាតាមសម្រួល ជាជម្រើសល្អបំផុត ទៅរកមនុស្សស្រីណាដែលស្អាត ស្តាប់អ្នកជាងខ្ញុំទៅ តែអ្នកមិនអាចរកបានមនុស្សស្រីដែលស្រលាញ់អ្នកជាងខ្ញុំ គិតពីអ្នកមិនដែលចង់បានអ្វីពីអ្នកគ្មានទេ…..»។
ក្រោយឃើញការបង្ហោះសារបែបនេះ បានធ្វើឲ្យអ្នកគាំទ្រមួយចំនួនចូលទៅខំមិនថា «ថ្ងៃមុន ទើបតែផុសសរសើរពេញៗមាត់សោះ ថ្ងៃនេះ ធ្វើមកផុសខូចចិត្តអីណា ញាប់ណាស់អ្នកល្បីស្អីតិចផុសៗ ស្គាល់ប្រូចឺមតិចពេកហើយចែអើយ, មនុស្សប្រុសល្អមានច្រើនណាស់ ស្រលាញ់ខ្លួនឯងអោយបានច្រើន បើគេមានមនុស្សល្អក្នុងដៃហើយមិនចេះថែរក្សា កន្លែងណាគេមិនអោយតម្លៃយើងយើងដើរចេញ love u idol,
មនុស្សស្រីបែបនេះមួយជីវិតជួបម្ដងចាត់ទុកថាសំណាងបំផុតហើយ, មិនជឿថាបែកគ្នា, ស្អាតចឹងមិនខ្វះទេអ្នកស្អំបេះដូងអោយ តែនាយចឹម ប្រលែងសាកមើលបើមិនមានអ្នកស្ម័គ្រភ្លាមឥឡូវ, រឹងមាំឡើងបងស្រីស្អាតដូចបងមិនខ្វះទេអ្នកដែលស្រលាញ់, idol សសេរបទបងកញ្ញាសោះ ចុះចាញ់, ទើបឃើញជិះឡានជាមួយគ្នានៅកំបូលកាត់ផ្លូវជាតិលេខ4មិញសោះអាយល»។
ឆ្លើយតបទៅនឹងខំមិនក្រោយគេនេះ អ្នកនាង សេង សុខឃីម បញ្ជាក់យ៉ាងខ្លីថា «ច្រឡំហើយមិនដឹង»។ តាមរយៈការឆ្លើយតបនេះ អ្នកនាង ហាក់ទទួលស្គាល់ថា ពួកគេ បែកគ្នាមែន តែការពិតយ៉ាងណានោះ មានតែរង់ចាំមើលទៀតប៉ុណ្ណោះ ព្រោះកន្លងមកក៏មានការបង្ហោះសារស្រដៀងនេះដែរ ក្រោយមកឃើញផ្អែមល្ហែមជាមួយគ្នាលើសដើម។
មួយវិញទៀត នៅលើបណ្ដាញសង្គមទីកតុករបស់ខ្លួន អ្នកនាង សេង សុខឃីម ទើបតែបង្ហោះវីដេអូ ចឺម និងកញ្ញា សុខ ពិធី នៅលើឆាកសួរនាំពីខ្លួនថែមទាំងផង ហើយដាក់Captionថា បងស្រីបា,,,ញ់ដល់ឆាក»៕
